小S無預警宣布戒酒　被爆肝臟出事

台灣女星小S（徐熙娣）不時透過社交網分享生活點滴，出名酒不離手嘅佢，就連上節目時遇到介紹酒類時，都忍唔住貪杯飲多兩啖。未料，身為「酒國女英雄」嘅佢，去年無預警宣布戒酒，日前更被傳出喺健康檢查時，發現脂肪肝問題加劇，加上佢長期飽受失眠困擾，先喺醫生建議下戒酒。但對此傳聞，小S則澄清道：「我肝很正常，少喝酒是因為現在每天早上都要起床做早餐給女兒吃，也想讓體態變得更好！謝謝關心。」

事實上，好友蔡康永亦曾爆料，小S成日飲醉後當咗佢係傾訴對象，成日Send好多條語音信息畀佢，1晚最高紀錄50幾條，雖然蔡康永一條都冇聽，但仍然為小S有宣洩管道而感到開心，所以亦鼓勵佢可以繼續多Send。如今小S宣布戒酒，整體狀態更係相當回春，引嚟唔少粉絲戥佢開心。

東網網站 : https://on.cc/東網Facebook專頁 : https://www.facebook.com/onccnews/