林家謙現身ViuTV澄清得獎感言：唔係其他人廢，係我好彩！

林家謙早前缺席《CHILL CLUB》頒獎禮，他第4度奪得「CHILL CLUB年度唱作歌手」，結果好友Tyson Yoshi及Serrini接力上台領獎鬧出笑話，其中Tyson Yoshi笑說：「林家謙話，唔係佢勁，係你地廢！」今晚《CHILL CLUB》節目中，林家謙憑〈喃嘸師感官漫遊〉奪得新一周推介榜冠軍，他亦現身節目，親自澄清當日得獎感言不是他的意思，他正式發表感受：「唔係我勁，亦唔係其他人廢，係我好彩！」

《Chill Club推介榜年度推介23/24》頒獎禮日前舉行，缺席的林家謙再度冧莊「Chill Club年度唱作歌手」時未有派人代領，主持人Mishy李昭南邀請其好友Tyson Yoshi及Serrini上台代領及發表感受時鬧出笑話，ViuTV社交平台出圖恭賀林家謙得獎，亦特地用上Tyson Yoshi及Serrini的頭像，非常搞笑。

林家謙一直未有發表得獎感言，直到今晚新一集節目《CHILL CLUB》，林家謙憑〈喃嘸師感官漫遊〉奪得2024年第22周《CHILL CLUB推介榜》冠軍，他終於現身ViuTV，一開場就笑指自己是「陳家謙」，將早前他入圍台灣金曲獎被大會主持誤讀成「陳家謙」的笑話將錯就錯。

林家謙說道：「大家好，我係『陳家謙』，今日好開心喺呢度拎到真嘅！『CHILL CLUB年度唱作歌手獎』，當日領獎嘅人唔係我，個獎項都唔係我，今次先係真嘅。我想發表感言，就唔係我勁，亦唔係其他人廢，係我好彩，所以多謝每一位投票嘅歌迷。」林家謙終於親自澄清，還自己一個公道。