港姐二輪面試︱質素Level up　大眼甜妹戰中德混血兒

《2024香港小姐競選》第二輪面試今日（2日）舉行，參加者質素比初選提升，多位未曝光佳麗一一現身，當中就以17歲Yoyo最突出，仲係中五學生嘅佢有晒信心，眼大大加上一身網紅打扮，青春可愛，上次因為返學而缺席，佢透露自己出年考DSE，被問到學校會否同意參選，YoYo點頭表示OK，問係咪問過校長？佢話：「係呀！」另一靚樣佳麗仲有「翻版林鈺洧」Cissy，今年24歲，喺美國學校畢業。而另一名靚女Crystal Ng以白色開衩裙現身，因開衩太高，露出打底褲，她表示特登染紫色髮，自覺笑容優勝 要着泳衣，所以特以減3Kg。

今日一早亦見多位海外選手曝光，包括中德混血兒符曉彤（譯），今年25歲，一口流利廣東話見人，配上佢混血外貌，確有幾分新鮮感，佢更喺德國柏林做電影後期。另外亦有加拿大返港嘅Cannis、剛星期五（28日）由英國返港嘅24歲楊曉琳（譯）、英國返港嘅25歲客戶服務助理Tiffany等。

至於新面孔有現年24歲、來自江門的Marina，她在香港讀心理學Master，現場所見，佢件衫揩咗唇膏漬，十分礙眼。而26歲的Caroline就心口現膠紙，她表示：「第一次參選，都有信心！」至於鋼琴家Zoie皈和考緊建築師的Stephanie亦同樣養眼。

東網網站 : https://on.cc/東網Facebook專頁 : https://www.facebook.com/onccnews/