姜濤、盧瀚霆出席巴黎時裝周　Wyman訂檯飯聚：臨尾俾人偷偷埋咗張單

姜濤和盧瀚霆（Anson Lo）獲邀出席巴黎時裝周，日前（6月16日晚上）由香港飛往法國。昨日（6月19日）黃偉文（Wyman）出席完Louis Vuitton的時裝騷後，再與「姜son」（姜濤和Anson Lo）出席Kenzo時裝騷，三人並排而坐兼自拍。

Wyman與「姜son」難得同時同地出現，三人都爭取時間來個飯聚。Wyman寫道：「上次3月倫敦茶聚已經開始夾時間6月巴黎食飯。結果又食到又食唔到又食到又食唔到反覆咗幾次，本身已經放棄咗，終於喺兩日前又突然「撈」得返（海底撈月個撈唔係𢱑撈個撈），大家犧牲瞓覺時間喺 Paris 食到過咗半夜⋯⋯唯一尷尬位係，我負責book餐廳諗住請客，所以點菜時懶豪亂叫一通叫到成枱都係希望唔好待慢啲客人，結果臨尾俾人偷偷埋咗張單。下次無論喺地球上邊度偶遇，求吓你哋俾我請，好唔慣唔係有大食大俾年紀細過我嘅人請我食飯。不過，呢餐係開心嘅。」

Wyman亦在Louis Vuitton SS25時裝騷遇到Jeffrey（魏浚笙）：「緣份就係，呢位小朋友前輩，我今年到而家未夠6個月，已經見咗3次。老實講，就算喺香港住，好多朋友都做唔到平均兩個月見一次。請密切留意 @terencelam0903 X @concertyy X @jeffreyngai 合作新歌《老積》」

Jeffrey在社交平台貼出與多個名人的合照，如王嘉爾、孔劉、赤楚衛二、BamBam、劉以豪、SEVENTEEN成員徐明浩等。「誰能想到當初的一首《失約巴黎》能陪伴我走到這麼遠。巴黎，謝謝你，我們沒有失約，當初第一次帶我到巴黎到現在always a pleasure with @louisvuitton。最開心是和大家打成一片，謝謝大家昨晚的照顧，mad love brothers。」