請更新您的瀏覽器

您使用的瀏覽器版本較舊，已不再受支援。建議您更新瀏覽器版本，以獲得最佳使用體驗。

生活

【搵食CONY】生日留家嘆半成品外賣　5分鐘煮出餐廳級美食

LINE TODAY

發布於 2020年04月17日11:09 • 搵食CONY

Happy Birthday to me……冇錯，今日係可愛迷人嘅CONY生日呀！不過基於疫情關係，今年冇得同一大班LINE FRIENDS慶祝生日，唯有留在家中食燭光晚餐。有玩開《熊大上菜》嘅朋友都知熊大入廚了得，不過貼心嘅CONY又點捨得熊大咁辛苦一腳踢？咁啱發現觀塘西餐廳「登堂」推出咗「半成品」外賣，幫你準備好食材，並聲稱只需要5分鐘就煮好一道菜。講到咁容易，出名手殘嘅CONY決定一戰，順便可以同熊大一齊玩煮飯仔（心心眼）。

登登登櫈～率先公開製成品，結果係大成功！到底手殘嘅CONY如何做到？即睇詳細實測報告！
登登登櫈～率先公開製成品，結果係大成功！到底手殘嘅CONY如何做到？即睇詳細實測報告！

外送食材　調味品都準備好

到底咩係「半成品」外賣？簡單嚟講，你照可以挑選餐廳內的心水菜式，但送到嚟嘅唔係完成品，而係各款新鮮食材，不但預好份量，甚至幫你切好、醃好、解凍好，太複雜花時間嘅部分仲要幫你煮好，如燴牛膝和肉醬等，只需簡單翻熱，或利用簡單的煮食工具，跟足步驟網上教學好快完成。今次CONY就揀咗兩款做緊特價嘅「澳洲M5和牛肉眼扒」和「鮮魷魚自家製手造寬條麵」，以及「香烤雞中翼配泰式羅望子醬」。

服務提供網上訂購，現時餐廳提供約30款菜式，由前菜、小食、意粉、主菜及甜品等一應俱全，而且主打上乘食材，在家都可輕鬆煮出餐廳級數的料理。

每款菜式於網上都有教點煮，有些菜式甚至有教學短片，大家可以參考下，因應自己的廚藝再決定買唔買。

現時餐廳做優惠，即日至4月30日買滿$200便免費送貨。CONY提早咗幾天於網上預訂，不過其實每日下午2點前下單就可即日送到或可於門市自取。圖中是食材剛送到的狀態。
現時餐廳做優惠，即日至4月30日買滿$200便免費送貨。CONY提早咗幾天於網上預訂，不過其實每日下午2點前下單就可即日送到或可於門市自取。圖中是食材剛送到的狀態。
食材到貨要即日煮食享用。多款食材中，肉類、醬汁等都經真空包裝。
食材到貨要即日煮食享用。多款食材中，肉類、醬汁等都經真空包裝。
包裝上又印有煮食教學。
包裝上又印有煮食教學。
澳洲M5和牛肉眼扒（10安士）$240（原價$388）：附有10安士肉眼扒一塊、醬汁、迷迭香及田園沙律菜。
澳洲M5和牛肉眼扒（10安士）$240（原價$388）：附有10安士肉眼扒一塊、醬汁、迷迭香及田園沙律菜。
鮮魷魚自家製手造寬條麵$80（原價$148）：附有手造寬條麵50g、鮮魷魚、煙肉、洋蔥、蒜蓉、嫩菠菜、芝士碎，調味方面有齊忌廉、白酒、鮮雞上湯。
鮮魷魚自家製手造寬條麵$80（原價$148）：附有手造寬條麵50g、鮮魷魚、煙肉、洋蔥、蒜蓉、嫩菠菜、芝士碎，調味方面有齊忌廉、白酒、鮮雞上湯。
香烤雞中翼配泰式羅望子醬$48/8件：附有已醃製好的雞中翼、泰式羅望子醬及田園沙律。
香烤雞中翼配泰式羅望子醬$48/8件：附有已醃製好的雞中翼、泰式羅望子醬及田園沙律。

煮食過程大公開

基本上烹調以上3道菜式難度不高，而且需時不長，每道菜花了10至15分鐘便完成。不過因為CONY今次揀選的菜式都要用平底鑊烹調，而家中亦只得一個平底鑊，所以就要逐道菜烹調，開餐時有啲菜式或會凍咗，所以CONY提提大家選擇的菜式盡量不要集中使用同一款廚具。

雞翼其實可以放入焗爐烤焗，不過因為CONY家中冇焗爐，就選擇香煎，係咪煎得幾靚呢（笑）。
雞翼其實可以放入焗爐烤焗，不過因為CONY家中冇焗爐，就選擇香煎，係咪煎得幾靚呢（笑）。
因為手造意粉所有食材，包括調味都幫你準備好，CONY跟足教學片段咁，大約5至10分鐘就煮好，超有成功感！至於塊扒夠靚就點煎都好食，最緊要係牛扒剛下鑊唔好心急翻轉，否則表面就會唔夠香脆（熊大教）。
因為手造意粉所有食材，包括調味都幫你準備好，CONY跟足教學片段咁，大約5至10分鐘就煮好，超有成功感！至於塊扒夠靚就點煎都好食，最緊要係牛扒剛下鑊唔好心急翻轉，否則表面就會唔夠香脆（熊大教）。
雞翼蘸點附上的泰式羅望子醬會更惹味，不過要注意它的味道頗辣，不吃辣的朋友可以就咁食雞翼，味道不辣但同樣可口。
雞翼蘸點附上的泰式羅望子醬會更惹味，不過要注意它的味道頗辣，不吃辣的朋友可以就咁食雞翼，味道不辣但同樣可口。
CONY跟足指示將手造意粉用熱水煮30秒，口感彈牙且蛋香十足，忌廉汁加入了雞湯，並配搭魷魚、菠菜和洋蔥，唔會太膩。
CONY跟足指示將手造意粉用熱水煮30秒，口感彈牙且蛋香十足，忌廉汁加入了雞湯，並配搭魷魚、菠菜和洋蔥，唔會太膩。
手造意粉另一個吸引嘅地方係非常掛汁！
手造意粉另一個吸引嘅地方係非常掛汁！
煎牛扒嘅時候CONY其實好驚浪費咗塊M5和牛，好彩最後成功，佢肉汁澎湃，而且香軟嫩滑，肉味頗濃。唯一要挑剔的是CONY應該要先加少少鹽再煎，肉味會更加突出。
煎牛扒嘅時候CONY其實好驚浪費咗塊M5和牛，好彩最後成功，佢肉汁澎湃，而且香軟嫩滑，肉味頗濃。唯一要挑剔的是CONY應該要先加少少鹽再煎，肉味會更加突出。
煎到5成熟剛剛好，係咪好吸引呢？
煎到5成熟剛剛好，係咪好吸引呢？

總括而言，平時西餐叫外賣拎到返屋企好容易凍晒冇咁好食，但係生日、節日想在家食好啲慶祝，自己煮又唔想準備太多嘢，呢個「半成品」外送服務係唔錯嘅選擇，唔止簡單易煮，配備埋隻靚碟，放上餐廳為你準備好嘅配菜，再排靚幾隻雞翼、放塊牛扒上去，就算係CONY呢啲又想煮但又手殘嘅人士都可以煮出好似餐廳質素嘅美食。唔講咁多，CONY慢慢享受燭光晚餐先啦，下次再同大家分享！

登堂
地址：觀塘興業街4號The Wave 2樓
電話：2110 4103
網址：www.dthc.com.hk

0 0
reaction icon 0
reaction icon 0
reaction icon 0
reaction icon 0
reaction icon 0
reaction icon 0