林芊妤懷孕近4個月噴血身材精彩回顧！

林芊妤（Coffee）今日被爆與圈外男友翟志榮(Weng)秘密入紙結婚，Coffee隨後亦公開宣布自己懷孕近四個月，認真恭喜哂呀！據知Coffee預產期為今年11月，正陀住B仔，嚟緊一段日子可能都冇咩機會睇到佢弗爆迷人身材！有見及此，小編就喺度同大家做個林芊妤回顧，暫時同大家止一止渴！

撰文：東方新地｜圖片：Instagram 、新傳媒圖片庫

林芊妤宣布有喜近四個月

今日，林芊妤(Coffee)被爆與圈外男友翟志榮(Weng)秘密入紙結婚，Coffee亦大方承認自己已懷孕近4個月，表示早打算今年底與男友拉埋天窗，計劃低調旅行結婚，不過依家有咗BB，可能旅行都唔會去，同家人食餐飯就算！一切將會簡單而低調地進行，同時多謝大家的祝福。

Coffee一向喺社交網站十分活躍，今日亦不例外，見到佢戴住口罩自拍，表示病咗仍繼續教瑜伽班。不過重點係佢懷孕近四個月，身型都仲係咁弗，完全唔見肚！

林芊妤除了有天賦好身材，上圍驕人，同時係個瑜珈達人又勤運動，所以身型靚到不得了，擁有完美曲線，基本上無論著咩衫出街都鬼火咁靚，男士們睇到心心眼，女士們則好羨慕！