不少人每天上班前打開電視，都並非為了看新聞，而是看天氣預報，看看穿什麼衣服才合適，更要看看是否需要帶雨傘。不知你每天看天氣預報時，又有否留意到一位精神爽利、每次報天氣時都會攤開雙手的「天氣先生」呢？這位報天氣報到擁有「志泰BB」稱號的天氣先生，就趁母親節分享他誇張動作背後的原因。
香港天文台近日發布了一條《母親節特輯－－我有特別的報天氣技巧》，訪問了不時為大家預報天氣的科學主任沈志泰。天文台自2013年8月成立「氣象廣播站」團隊，招募了「天氣先生」和「天氣小姐」每天在YouTube報道天氣，而沈志泰亦是其中一位。在片段的開頭，沈志泰說：「每次佢見到都會同啲朋友講『我個仔又上電視啦』，佢都幾開心我喺鏡頭面前出現。有啲人又覺得朝早見到我OK醒神喎。」這個「佢」，當然是沈志泰的母親。
雖然不知何時何日被冠上「志泰BB」一名，但他認為如果大家看他報天氣看得開心，又會留意他對大家的提醒，他覺得擁有這個花名沒有所謂。志泰BB報天氣的對象為公眾，但原來他每次報天氣時，都只會想到一個人，就是他的媽媽，「我睇返頭一、兩次報天氣嘅時候，動作都幾生硬，後尾我上咗一個training（訓練課程），就話可以諗住一個自己比較親嘅人。其實我之後報天氣，都經常諗住我媽咪嘅。」
他又指同事有時都會笑他攤開手的動作有點浮誇，而做這個動作的原因，同樣因為他媽媽：「因為我媽咪有認知障礙，我見佢嘅時候通常都會大動作啲嘅。你當我攬住佢又好啦，同佢close（親近）啲又好啦。同埋我覺得呢個動作比較大，可以令佢對我嘅印象深刻啲。」
看到這裡，洋蔥來了，志泰BB透過片段對媽媽說：「無論你點樣，我都會一路咁關心你，當然希望你會記得我啦，就算你之後可能真係記性愈來愈差。」最後志泰BB更呼籲大家趁著母親節，好好地陪陪媽咪，「阿媽每日都仲囉嗦你呢，其實係開心嘅事嚟嘅。」雖說錫媽媽不應等到母親節，但那一天，卻給大家一個機會，好好多謝母親的辛勞，所以大家除了要留意母親節當日的天氣，更要留意如何安排媽媽當日的行程呀！