受夠外傭3年劣食致體重破新低　方皓玟：廚藝拍得軒公遮遮

方皓玟與馮允謙今日（9日）到尖沙咀為地產項目揭幕，同時亦拍了一輯溫馨小品微電影，帶來耳目一新的合作感覺。向來瘦底的方皓玟透露，過去3年不停忍受家居工人姐姐烹調的劣食，笑言現時體重跌至人生新低點，最近終於解僱了工作約三年的外傭，有種如釋重負的感覺，還形容這位姐姐的廚藝水準，拍得住張敬軒的舊「遮遮」。

方皓玟今日宣傳地產項目，表示希望家居能旺中帶靜，希望交通方便，落街就可以買東西，亦最好有兩個洗手間，工人姐姐專用其中一個。提到家居工人，她苦笑指忍受了3年半由工人姐姐烹調的劣食，笑言現時體重跌至人生新低點全因對方，直指對方的煮餸創意及眼神凌厲：「肉餅整到好硬，新鮮石班可以煮到變鹹魚。呢幾年我同仔仔都瘦咗，我都輕咗8磅，希望護送咗佢離開可以增返磅。」

方皓玟表示，每天工人只負責處理晚餐：「午餐阿仔喺學校食，以前我哋食晚餐會慢慢食傾吓偈，呢幾年5分鐘嗱嗱聲食完算。」她又表示，昨日剛剛依足勞工法例，以一個月代通知金將工人姐姐即時辭退，新工人今日亦已上班，笑言很期待今天的晚餐：「我叫咗佢整奄列，希望嚟緊有啖好食可以肥返啲。」

日前方皓玟在英國開完演唱會，回港前相約填詞人黃偉文（Wyman）飯局聚舊，二人不單聊天足足一晚，直指在港無啖好食，多得Wyman令她有口福：「嗰餐好好食，好開心終於有人畀好飯我食，啲甜品由頭食到落尾，佢話平時食幾星米芝蓮，已經食過晒，所以去冒險試咗間一星。但基本上我哋講嘢多過食嘢，我哋打算下次約早啲，可以多啲時間傾偈。」

談到今次與馮允謙合作，新歌〈I do〉亦成為廣告主題曲，她透露歌曲原本為忠粉婚禮而作：「好似同佢有緣份咁樣，呢件事後收到好多呢類邀請，我都回應唔切，如果有特別意義我都會回覆，近日有歌迷dm話聽咗我嘅歌放棄咗輕生念頭，我覺得互相鼓勵係必須，但如果係老婆生日嗰啲，留返自己老公講啦。」