【體路專訊】巴黎奧運臨近，各項目達標選手亦陸續確定，不過香港長跑選手黃尹雋昨晚（2日）於社交平台發文，指自己從三月底開始向田總諮詢奧運外卡參賽事宜未獲回覆，最近在外卡截止報名日被告知被認可為有效香港紀錄的成績為無效選拔成績，並指不明白當中邏輯，但會尊重田總決定。
黃尹雋文中指，奧運馬拉松達標期截止日期將近，而他在稍早前因肝酵素直上3200 留醫兩星期，以成績達標已不太可能，因此希望以奧運外卡報名。他文中直言：「今屆外卡項目只有100m、800m 同馬拉松，如果一個地區沒有任何一個選手達標奧運，就可以派一個選手參加以上其中一個項目。到目前為止，至少自己係香港暫時唯一一個運動員係達到田總上年年尾公佈的綜合運動會選拔標準A標。」
他於文中進一步透露：「由三月底開始諮詢，惟在馬拉松外卡截止報名當天（4月23日）才被告知：自己被認可為有效香港紀錄的成績為無效選拔成績。雖然唔明白當中邏輯，但我尊重田總的決定，所以冇追問點解，總會定嘅規矩，要加入就只有服從。」
其後他亦於文中表示經過近幾年的洗禮及思考，對運動員身份有不同的看法，已不會像幾年前的自己只會有不開心及失望，「其實全世界能夠去到奧運嘅運動員只係一小部份，淨低嘅人都係繼續默默耕耘，係唔同地方發光發熱，同時亦係佢地嘅工作，收入來源。一直都覺得香港做運動員同外國比有種講唔出嘅違和感，反正就係感覺完全唔一樣，唔同項目亦都好容易互相比較，參與奧運先叫成功，否則就係失敗者。或者可能係大圍嘅環境令到好多人覺得做運動員只有奧運同追夢，唔係真正職業嘅概念。」
他亦表示已愈來愈接近自己心目中想做到的樣子：「奧運仍然係自己其中一個目標，但佢只係其中一個里程碑。運動員唔應該只係得奧運，目標仲可以係國際田聯標牌比賽上頒獎台，又或者六大馬拉松去到前8名，又或者簡單啲，將PB 有咁快推咁快。」
文：賈兆志
《體路Sportsroad》
屬於香港人的體育新聞平台
Facebook: https://www.facebook.com/Sportsroad/
Instagram: https://www.instagram.com/sportsroad.hk/