鄭伊健心態沒變：出道至今都唔太勤力

藝人鄭伊健7月13日將會到馬來西亞雲頂開演唱會，時隔5年重回當地，日前健健接受當地電台訪問，主持問他入行至今心態上會否有改變時，他坦言:「我諗由出道到依家，都唔係太勤力啦！呢樣都冇乜點變，但咁唔代表我做嘢唔認真，(你懂生活嘛！)係嘞！好多人覺得你做完一件事應該緊接做第二件事，但我想抽啲時間放喺其他地方上，入行時可能有好多人抨擊，或者到依家話:『佢係咁嘅，呢個佢style，佢就好啦！』隨着唔同年代有唔同嘅feedback，不過呢個都冇乜點變，我到依家都係覺得譬如做完呢個演唱會，不如休息吓啦，想攞啲唔同嘅嘢，咁先可以吸收到其他嘢，啱啱出道時大家都要拼勁，到你有啲成績就可以選擇。」說到都要配合公司時，伊健即笑言:「好在我哋公司仲有其他藝人。」

東網網站 : https://on.cc/東網Facebook專頁 : https://www.facebook.com/onccnews/