立法會選舉2025｜肥媽大埔投票 冀新一屆議員「年青啲做嘢積極啲」
2025年立法會換屆選舉今日（7日）舉行，新界東北地方選區受大埔宏福苑大火影響，區內其中三個原先設於大埔浸信會公立學校、廣福社區會堂和大埔社區中心的投票站，分別遷到香港教師會李興貴中學、大埔崇德黃建常紀念學校，以及羅定邦中學。
藝人歌手「肥媽」Maria Cordero今早有到香港教師會李興貴中學票站投票。她表示投票是要支持政府，投選候選人時視乎其歷練，希望給多些機會年青人，希望新一屆議員「年青啲、做嘢積極啲」。對於70歲以上的上屆議員不再爭取連任，她認為以往議員辦事效率太慢，「以前真係慢，講真係慢啲，以前唔係做唔到嘢，唔可以抹殺，我哋香港咁耐個個都做到嘢，但年紀一路一路大，只係做得慢一啲，好似我咁嗰腦都慢咗，跑步都慢咗啦。唔好好似我哋七十歲、八十歲都仲做嘢先得㗎。」
她認為今次火災亦見效率慢，令消防殉職，「如果啲棚檢測多一點，點會讓人用發泡膠？唔係佢哋唔做嘢，係慢咗啫，檢測得清楚唔會有今次的慘劇」，認為相關違規罰則應提高。她希望宏福苑居民收拾心情生活下去，「死者都不想他們不開心」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)