黃耀明加拿大開騷　素顏彭羚驚喜現身撐場

黃耀明繼澳洲及台灣巡演後，於10月22及24日在加拿大多倫多及溫哥華開騷。首站在多倫多就驚喜獲彭羚素顏現身支持。

從網上流傳的影片可見，坐在觀眾席的彭羚，被邀請上台跟觀眾打招呼。兩人親吻擁抱後，明哥表示：「我唔逼你唱歌，但都要見吓人嘛。」彭羚則表示，很開心到場看明哥演出。

彭羚又問觀眾：「我想問吓你哋覺得佢唱得好唔好？狀態好到不得了。」明哥表示，彭羚其實不用去教其他班，而是應該教唱歌：「呢個人咁識唱歌，應該去教唱歌，做歌唱老師。」彭羚回應指：「教乜嘢都好，不過同人分享自己鍾意嘅嘢好幸福。」

雖然台下不斷有觀眾大叫合唱，不過彭羚最終沒有開金口，與明哥再次擁抱及與樂隊打招呼後便返回觀眾席。明哥在騷後上載二人合照，寫道：「他鄉遇故知，特別歡欣。謝謝彭小姐。謝謝多倫多。」

55歲的彭羚1998年與林海峰結婚後淡出樂壇，專心相夫教女。一直鍾情瑜伽、Pilates的彭羚，近年愛上禪柔運動（Gyrokinesis），並在家添置不少器材，更與林珊珊女兒李怡（野人）開班教授。