台灣藝人賈靜雯出道逾30年嘅佢，保養得宜駐顏有術，不時透過社交網分享生活點滴嘅佢，日前亦晒出媽媽71歲嘅慶生照，並分享道：「我們好幸福！！我們有最可愛的媽咪，也是最棒的婆婆奶奶，話不用多說，有圖為證！」只見賈母身旁6位孫子孫女從高至矮排好，兒孫滿堂嘅佢唔止臉上洋溢住幸福笑容，就連肌膚都係光滑透亮之餘，手捧一紮由千元台幣砌成嘅花束，更係引嚟唔少網友留言道：「那束花太太太美了！」、「好奇這一束千元鈔票的玫瑰花，用了多少張千元鈔票，真的好美好漂亮又最實用！」而賈靜雯更相當自豪道：「一束錢花，送進你心坎了吧！」
東網網站 : https://on.cc/東網Facebook專頁 : https://www.facebook.com/onccnews/
留言 0