30歲關嘉敏激吻74歲鄧英敏　直認膽怯唔夠狼死狂NG

由蕭正楠、吳若希、朱敏瀚、賴慰玲、鄧智堅、何遠東、唐嘉麟、黃瀅仴及張詩欣等主演的TVB劇集《奔跑吧！勇敢的女人們》下周邁向結局周。劇情講到沈洛澄（賴慰玲飾）捲入邱生（鄧英敏飾）偷食事件引發連串風波，事件不但影響了洛澄的星途，還動搖了她與丁丁（蕭正楠飾）的關係。經過林采琳（吳若希飾）及禾平（朱敏瀚飾）鍥而不捨的調查，揭發邱生的真命小三是名牌服裝店Sales Lisa（關嘉敏Carman飾），更拍下二人激嘴場面。

雖然今次並非關嘉敏首度演小三，但與鄧英敏咀得肉緊，令一眾觀眾網民睇得投入，指「英敏哥好有艷福」。Carman向傳媒表示，鄧英敏是她第二個奉獻螢幕親熱戲的對手，Carman說：「第一個螢幕初吻畀咗丁子朗，第二個就係英敏哥，我完全冇諗過入咗嚟TVB三年，已經可以咁快同兩個年齡層嘅人有親熱戲。」

關嘉敏坦言拍攝這場戲確實需要勇氣：「我同自己爸爸都未試過錫嘴，加上又要同前輩做呢件事，所以真係唔夠膽。」Carman大讚英敏哥是好前輩：「佢好好，係咁帶住我。（NG咗幾多次？）都有5、6次，因為有時要就機位，有時就感覺我唔夠『狼死』咁。」。