《迷》韓裔男星宣布確診新冠肺炎

曾參演人氣美國電視劇《迷》（Lost）的51歲美籍韓裔男星金大賢（Daniel Dae Kim），周四於社交網站Instagram上載於夏威夷寓所自拍的短片，宣布確診新冠肺炎，表示：「大家好，尋日我確診新冠肺炎，睇嚟我會OK，但我想分享個旅程，希望大家覺得有資訊性同有幫助。希望大家安好，保持冷靜，同最重要係健康。」

金大賢提到幾周前於紐約拍攝新劇，該劇現已停工。他形容自己開頭沒有病徵，但在飛返夏威夷的途中，開始感到喉嚨痕癢。落機後，他致電當地的家庭醫生，醫生叫他注意病徵。當他回家後，在房中隔離，當晚感到心口不適、身體疼痛、與體溫上升，醫生繼而叫他做測試。他整個過程未有到醫院，雖然家人都在屋中，但自己留在家中另一部份。

他表示：「雖然我依家睇落精神同樂觀，但有幾日我係瞓喺床。少年人同千禧世代如果以為新冠肺炎係唔嚴重，請你唔好輕視佢。」

東網網站 : https://on.cc/

東網Facebook專頁 : https://www.facebook.com/onccnews/