農曆新年傳統大年初一食素，主播俞詠文找來茹素多年的敖嘉年一起品嘗新春創意素菜，還有陳皮咖啡及玫瑰朱古力，充滿Fusion 的感覺。敖嘉年茹素十多年，作此決定跟他的愛貓有關：「當初係因為我的愛貓離開咗，令我非常心痛! 可能係呢個契機，我就諗下不如試下唔好再食動物啦! 初時都係一步一步嚟，唔好一下就cut曬，咁樣會好易放棄。每個月初一、十五，又或者每個星期搵兩日食素，循序漸進就最好，好似我以前都係好鍾意食叉燒，但現在的新派煮法，連素叉燒都像真度好高，加埋碗白飯就不得了喇! 」
嘉年笑言茹素後運氣亦相當好：「托賴我一向都覺得自己運氣唔錯! 上年有唔錯嘅工作量! 其中就係幫HOYTV拍咗首個原創劇《我愛九龍城》，同陳家樂，泰臣合作，講一個關於麻雀館嘅故事，有笑有淚。另外繼續拍攝大家都好鍾意嘅《健康關注組》，都拍咗成11季 。長知識之餘，亦認識到唔同界別嘅醫生。」說到蛇年展望，嘉年希望HOYTV可以繼續開劇，讓全球都可以看到充滿香港人情味的劇集。
（即時娛樂）