唐家成：一定盡力做港交所主席　有信心令香港市場更好

唐家成擔任香港交易所(00388)主席一職約2個月，周五(21日)首次以新身份主持港交所周年酒會後見傳媒時指，新職位責任重大，笑言「我個膊頭都覺得好重」，一定會盡力而為。

佢透露，上任後已會見港交所唔同部門嘅同事，亦見咗好多香港及內地業界人士，當然都有金融市場上唔同持份者，包括監管機構、立法會議員等，以了解其面對嘅工作挑戰，諗計仔點樣解決，從而提升香港市場競爭力。

至於嚟緊有乜大計，佢就話有3點一定要做，連接國際及內地市場係最重要一點，因為香港獨有嘅互聯互通優勢，要做好超級聯繫人嘅角色。同時要令香港市場更多元化、加強交易所的市場競爭力。

佢本人過去出任唔同公職，期間同港交所管理層已有好嘅溝通、建立良好嘅關係，好有信心未來可以齊齊令香港市場做得更好。

東網網站 : https://on.cc/東網Facebook專頁 : https://www.facebook.com/onccnews/