訂房中伏唔關森美事　斗膽玩踢爆老婆系列

電台DJ森美日前在社交網自爆偕太太Veronica到日本享受二人世界，可惜因預訂的房間被臨時取消，累到他險要攜妻齊「7街瞓」，幸好有電台舊同事伸出援手租酒店才有瓦遮頭。

經歷「走難式」搵酒店一役後，森美再在網上報平安指已順利返港，不過樣子憔悴，如打完場仗一樣，他謂：「終於返到屋企，經過今次日本之旅，唔知點解今次有一種特別舒暢嘅感覺，有驚無險，今次要多謝所有幫過我嘅朋友，好多都打救我，用唔同嘅方法打救我，亦都有好多關心，喺機場度有好多朋友不斷同我講返佢哋有類似嘅情況，希望大家都唔需要經一事，都可以見到『蔡一智』。」

之後又留言，更不經意下爆了太太大鑊：「今次成個旅程買機票買酒店到行程，都有太太負責，我本身冇過問，淨係享受，其實佢已經做得好好㗎啦，所以都感激佢！感恩，行街同喺機場同飛機上面都好多香港人關心，再次多謝，做電台節目再分享呀！」未知Veronica聽到老公的「無心快語」，可會向森美大興問罪之師，令他在家中再經歷另一場「浩劫」呢？

東網網站 : https://on.cc/東網Facebook專頁 : https://www.facebook.com/onccnews/