鄧麗欣生日宣布明年紅館開騷　「不放棄的小堅持」造就大夢想

鄧麗欣（Stephy）日前出席粉絲為她籌辦的生日會，慶祝其41歲生日。Stephy今日上載生日會時的片段，宣布要送粉絲一份大禮物，就是將於明年3月於紅館開演唱會。

Stephy在IG上載的短片中，可見過百名粉絲為Stephy唱生日歌，Stephy除了許願吹蠟燭，還感性發言：「 多謝你哋送咗好多禮物畀我，我成日都講，回饋畀你哋嘅，只係我嘅努力，我嘅進步，約定你哋，明年3月，紅館見。」粉絲即時歡呼喝采，Stephy亦眼泛淚光，激動掩面。有粉絲亦同樣激動，忍不住以紙巾擦眼淚。

Stephy 在帖中寫道：「這個願望，我從來沒有在生日的時候許下過。只有一直的小信念，不放棄的小堅持，一點一滴的小努力，造就了今天生日可以跟大家宣布的大夢想。約定你們，明年3月，紅館見。#你想我唱邊首歌 #明年3月紅館見 #我生日送禮物比大家 #多謝各位肥番 #有好消息當然第一時間通知你地 #多謝公司的支持」

帖文一出，圈中好友包括張繼聰、少爺占、AK江𤒹生、即時留言恭賀。導演陳詠燊更搞笑留言：「放心，條魚翅裙留咗畀你喇！終於大派用場喇！」