林夏薇與馬國明拍劇　不忙家中「湊仔」晒幸福

「視后」林夏薇（薇薇）最近與馬國明、陳展鵬、胡定欣等到澳門拍攝無綫電視電影《尋夢琴澳》後，隨即到江門為方力申巡唱擔任嘉賓，忙完一輪工作後她則馬上「愛回家」返屋企「湊仔」，更一次過湊四個小朋友，認真是好盡責的好媽媽。

對狗狗愛錫有加的薇薇在社交網分享「湊仔」日常，屋企有四金，包括金豬、#金菠蘿 、金木耳、金樂寶，除了日常親力親為照顧，陪狗狗玩水、散步、更會帶狗狗遊車河，相當有愛心，她說：「四個Baby，都真係幾忙。不過，好享受同佢哋一齊嘅時光，金豬14歲啦，照顧老人家，需要更多陪伴同照顧，煮新鮮嘅營養餐再加按摩，幫助佢上廁所，安撫佢瞓覺覺，都真係好忙。全家人都好愛你，大家會一路陪住你！細細佬樂寶就嚟八個月啦，四兄弟姊妹相親相愛！媽媽好安慰，木耳大個女，同菠蘿都會一齊互相照顧，仲會幫手睇住細路佬樂寶，家有四金，係幸福！」

東網網站 : https://on.cc/東網Facebook專頁 : https://www.facebook.com/onccnews/