高雄西子灣‧書店喫茶一二三亭

高雄好多咖啡店由老房子改建，位於西子灣嘅「書店喫茶一二三亭」便是當中嘅佼佼者。

喺前往旗津嘅碼頭附近，位置方便，絕對值得一訪！好喜歡呢度洋溢著懷舊昭和氣息，從門口的牌子簡介可見，一二三亭曾是有藝伎進駐嘅高級日式料亭，直至近年才改建成老宅書室＆喫茶店。造訪當日，我都排了半個鐘先食到，相當受當地文青歡迎！

此外，我好喜歡店子的懷舊味！這兒放滿舊傢俱、舊物件及黑白照片，有種時光倒流嘅感覺！點一杯咖啡、享用茶點、睇睇書，打發時間相當不錯！

至於食物，我好推薦紅酒燴牛肉烏冬，牛肉入口即化，醬汁燴得很入味，與彈牙的烏冬同吃，口感一流！不過招牌鬆餅個人略嫌個餅實咗少少，好彩焙茶忌廉就夠香濃，加埋珍珠及白玉，幾有咬口，整體嘅食用感都唔差。

✦ 紅酒燉牛肉配烏龍麵 300

✦ 日本一保堂抹茶珍珠白玉煎餅 250
✦ 檸檬莓果氣泡飲 90
✦ 梨山清香玉露茶 160

書店喫茶一二三亭
地址：台灣高雄市鼓山區鼓元街4號2樓

💗ᴿᵉᵃᵈ ᴹᵒʳᵉ
https://flowspace.hk

旅遊