炎明熹韓國玩遇緊急戒嚴　親自報平安已回港

南韓總統尹錫悅香港時間尋晚（3日）發表緊急談話，宣布緊急戒嚴，不過南韓國於周三（4日）凌晨就通過解除戒嚴決議，國會議長室稱總統尹錫悅宣布戒嚴無效，搖擺不定政治狀態，令大家擔心身處當地約405名旅遊中嘅香港人。近日樂壇小天后炎明熹（Gigi）就同兩位好友到韓國旅行，更換上中分髮型及淡妝示人，三女又食韓燒歎韓牛、又去影貼紙相，明顯喺韓國玩得開心。

得知粉絲就擔心自己安危，炎明熹都好識做，喺自己社交網broadcast親自報平安，佢又錄音、又打字，表示自己已經安全回港：「大家，我今日返咗嚟啦，不用擔心」再加心心emoji，剛好避過緊急戒嚴，無驚無險返到香港，令粉絲都安心晒。

東網網站 : https://on.cc/東網Facebook專頁 : https://www.facebook.com/onccnews/