林子祥開騷念已故外父母 哽咽唱出〈分分鐘需要你〉

75歲林子祥（阿Lam）原定今年3月在亞博舉行《林子祥開心演唱會香港站》，但受疫情影響要延期，等了9個月昨晚（26日）終於成功開騷，歌迷坐爆會場外，就連阿Lam圈中好友如朱玲玲、羅康瑞、周凱璇、胡楓、羅蘭、林建明及阿Lam愛兒林德信等都有到場支持。

難得順利開騷，阿Lam都落足力，一口氣唱足37首經典金曲，唱到半場歌迷們已經企晒起身歡呼跳舞，阿Lam又演唱多首經典電影主題曲，會場屏幕同時播出他以前跟不同女星包括有鍾楚紅、張艾嘉、楊紫瓊等合作的場面，即時勾起歌迷回憶。去到最後阿Lam老婆莎莉更驚喜現身，兩公婆合體70年代的士高medley，將演唱會氣氛推到頂點。

期間阿Lam感觸表示：「我同莎莉咁多咁多年，咁多演唱會，有三個大粉絲，永遠都睇，每一個演唱會佢地都睇，今晚佢哋三個都唔係到。 一個係我媽咪啦，一個係莎莉…..仲有兩個，係莎莉Daddy同媽咪，今晚演唱會係特別唱俾佢地聽……」之後阿Lam演唱《分分鐘需要你》更忍不住流下男子兒，中間幾度唱不下去需要平伏情緒，到演唱最後一首歌《每一個晚上》時更跟歌迷講：「我哋呢幾年經過左太多太多，我希望你哋每一個都身體健康！」