高圓圓公開趙又廷對自己愛的暱稱　胡歌竟然笑到失控

內地女星高圓圓同老公趙又廷結婚10年，雖然趙又廷因娶咗女神返屋企而變「男人公敵」，不過佢對老婆上心就人人見到。近日高圓圓同內地人氣小生胡歌為電影《走走停停》宣傳，一起上內地綜藝節目宣傳，佢就同小鮮肉來賓丁程鑫戴耳機玩睇口形遊戲，對方問到：「又廷哥怎麼叫你？」高圓圓好快就估到係問「我老公怎麼叫我？」點知佢個答案出乎大家意料！

當時現場來賓包括有胡歌、自稱「高圓圓鐵粉」嘅男星秦霄賢等，個個都露出好奇表情，想知趙又廷叫老婆嘅暱稱有幾甜，點知佢衝口而出嘅答案竟然係「高圓圓」，連名帶姓一齊嗌，即時令胡歌笑到失控，亦有藝人笑到企唔穩，睇嚟大家都高估咗趙又廷嘅浪漫細胞。

東網網站 : https://on.cc/東網Facebook專頁 : https://www.facebook.com/onccnews/