言承旭轉貴族王子Look　網友踢爆晒生圖滿面粒粒

台灣男星言承旭自近年投身內地市場，人氣十足嘅佢成為品牌寵兒，被大讚出道以來似足食咗防腐劑嘅佢，近日喺社交網分享參加護膚品牌嘅活動照，換上一頭型仔曲髮嘅佢，身穿全白套裝搭配白鞋，散發白馬王子般貴族氣息，顏值超高，梗係獲網友一致讚好。

點知有網友就晒出當日活動未經PS嘅原圖，少咗燈光同磨皮等技術美化加持下，言承旭膚色忽然變深，砷上亦見生咗唔少粒粒同表情紋，狀態同佢自己上載嘅官方相好大出入，令唔少人質疑佢係咪P到失真。好在言承旭下顎線明顯、身材冇走樣，算係保養得唔錯，因為有網友亦留口誇讚：「47歲的他狀態好好」、「比99%的同齡人都年輕，看起來比真實年齡至少年輕10歲」。

東網網站 : https://on.cc/東網Facebook專頁 : https://www.facebook.com/onccnews/