小肥（徐智勇）昨晚（14日）舉行尾場演唱會，是次演唱會的「完全變態」概念、歌曲、服飾等，全是他提出及高度參與，下半場的彩虹主題就是與LGBT（有非異性戀者）緊扣。不過，小肥強調︰「我唔係要拉你入嚟，只係希望有一日唔會再有條線去區分大家。」
小肥在演唱會上連場勁歌熱舞，騷前特別練習了幾個月，RubberBand主音繆浩昌（6號）在台上說︰「關於你『完全變態』呢個騷，好為你而驕傲，我哋做樂隊或者主音，好明白hold住成個場嘅辛苦，但佢又唱得好，去到後面一part用咗500%嘅努力做好呢個騷，所以我哋畀最大嘅掌聲徐智勇… 佢出咗櫃之後，講得出做得到，要畀大力啲掌聲。」小肥被6號這番說話觸動，合唱《大巡遊》時流下男兒淚，一度唱不下去，要除下眼鏡抹淚。
6號除了任演出嘉賓，這次也擔任小肥演唱會的和音，他笑言是來還當年小肥幫RubberBand第一個演唱會做和聲的債，所以今次舉手當他和音。除了6號，雷深如（J.Arie）及《造星II》丘凱雄（Hugo）也跟小肥唱跳未派台新歌《迫池》；方皓玟與小肥及6號合唱《終於好天氣》。陳柏宇、梁祖堯、古巨基、鄧麗欣、鄭俊弘及何雁詩等圈中好友現身捧場。
（即時娛樂）
留言 0