曾同「三料視后」佘詩曼拍廣告　俄仔Ansheles驚爆急病送院

有「俄仔」之稱嘅俄籍網紅Artem Ansheles，在港發展多年嘅佢，憑英俊外貌圈粉無數。而喺今日（22日）其經理人Neo透過其社交網透露，Ansheles因急病送院，但就未有透露詳細，引嚟唔少網友關心及好奇。

經理人Neo透露Ansheles目前病情嚴重：「Ansheles近日因急病送院，正接受治療，情況嚴重。故暫時停止所有工作及社交媒體更新。希望他早日康復、平安。」現年29歲嘅Ansheles居港多年，18歲來港進修並因亮眼外形進軍模特界，為咗順利留港及長遠發展嘅佢，亦特地修讀1年粵語課程，操得一口流利廣東話嘅佢，唔止成為廣告界寵兒兼曾同「三料視后」佘詩曼合作拍廣告，同時成功喺主持界打開知名度嘅佢，2019年更推出首支派台廣東歌《麻麻哋 Day》。

東網網站 : https://on.cc/東網Facebook專頁 : https://www.facebook.com/onccnews/