林志穎14歲兒子曝光　身高直逼老竇

台灣藝人林志穎嘅老婆陳若儀，名模出身嘅佢唔止樣靚身材正，高挑嘅身材及白滑美腿同樣搶Fo，而身為3子之母嘅佢，弗到漏嘅苗條身材更成日引嚟網友羨慕外，同樣有着高企顏值嘅大仔Kimi，因出演親子真人騷《爸爸去哪兒》打開知名度，可惜林志穎以保護囝囝成長私隱為由，近年幾乎未有喺公開場合露過面。

而不時透過社交網分享生活點滴嘅陳若儀，日前亦喺社交網晒出一家五口去美國主題樂園玩嘅靚相，雖然Kimi剩係露出背影，但今年14歲嘅佢身高已經直逼172cm嘅老竇林志穎，至於2個雙胞胎囝囝雖然都有正面入鏡，但就畀陳若儀以心心貼圖遮晒樣，不過開心遊玩嘅側拍相，仍引嚟唔少網友羨慕道：「這就是幸福的模樣。」

東網網站 : https://on.cc/東網Facebook專頁 : https://www.facebook.com/onccnews/