江若琳危險炒車炒出名堂　憑個人實力獲得「技術彎」

歌手江若琳（Elanne）日前遇上危險車禍，上周五（13日）駕駛私家車喺尖沙咀失事，私家車沿加連威老道右轉彌敦道時，車頭剷上安全島後連撼燈箱及交通燈柱，最後向左翻側，當時被困車內嘅江若琳獲5、6名大漢拖出車外，一場意外令全城擔憂。近日有網民發揮創意，網上地圖竟然喺佢車輛失事同一位置上，出現「江若琳彎」標注，更有人改定點位置為「江若琳技術彎」，點擊入去留言，就見到有人貼出當日汽車翻側嘅相，又留言叮囑其他道路使用者：「彎彎難過彎彎過，人潮太多要注意車速！」另外亦有人以其歌名留言笑問：「《傷情路》呢？」非常搞笑。

東網網站 : https://on.cc/東網Facebook專頁 : https://www.facebook.com/onccnews/