ERROR成員梁業（肥仔）今天（2日）化身其設計毛公仔ELFA，現身銅鑼灣宣傳新歌《MASCOT》，吸引不少粉絲支持，小朋友甫見到ELFA又攬又惜，肥仔即席表演跳舞。肥仔指ELFA外表可愛又乖，但內裏其實有點曳，他笑說：「我心境好曳，但唔敢曳，因太多例子警剔我唔敢曳。（想出軌？）唔做呢啲，有女仔攬下我已經好開心。（想整蠱成員？）唔會，我同阿Dee（何啟華）唔夠193（郭嘉駿）和（吳）保錡玩，佢哋玩得好癲，經常整蠱我哋，又取笑阿Dee靚仔，又話我蠢，我有時幾蠢，因太善良，慶幸未試過被騙，不過我都想畀人騙財騙色。」
說到ERROR今個月25日舉行的演唱會，肥仔表示已開始練歌和練舞，除了他推出單曲，193和保錡也在演唱會前出歌，阿Dee則未有計劃，說：「我鼓勵阿Dee出單曲，因為昨晚出席完叱咤頒獎典禮，發覺冇人爭獎，希望佢明年奪金，Jer（柳應廷）曾攞過金獎變『金Jer』，阿Dee奪金就變『金Dee』。」說到ERROR在叱咤頒獎典禮捧蛋，肥仔沒有失望，笑言有獎才失望。
（即時娛樂）
留言 0