拜仁中場祖奧柏連拿係11月份國際比賽日受傷，而柏連拿因為右腳內收肌肌肉纖維撕裂休息超過一個月。根據德國圖片報消息，柏連拿同屋企人過咗幾日聖誕假期之後就決定放棄部分假期，已經係上星期六飛返去德國慕尼黑🙂
消息指柏連拿一直都係拜仁訓練中心沙賓拿大街進行恢復訓練，希望可以為咗參加球隊星期四團隊訓練做好準備，呢個舉動得到教練甘賓尼大力讚賞。事實上，柏連拿係球隊內部係非常受歡迎🤓
根據德國天空體育消息，柏連拿預計將會係嚟緊對住慕遜加柏德甲比賽復出。呢位葡萄牙🇵🇹球員接受訪問就話「我覺得自己變得越嚟越好，我好開心成為拜仁呢間大球會其中一位成員，我幾鍾意慕尼黑，我同我嘅屋企人都係呢度住得幾好，呢個係一個安全、有秩序、好靚嘅城市🥰。」
▼Follow足球仁
Instagram: https://www.instagram.com/football_yern/
留言 0