李日朗生日女友送神秘驚喜　網友叫拉埋天窗

藝人李日朗同女友黃靜藍拍拖3年，感情相當穩定，無論大時大節兩口子都會好好慶祝，儀式感十足！尋日39歲的李日朗，雖然要喺疫情下過生日，但女友喺社交網透露花盡心思，同佢好好慶祝，更為佢送上神秘驚喜！

呢日女友引開男方，叫朋友幫手布置場地，之後請嚟成班朋友同佢慶祝，她留言：「希望你喜歡這個精心策劃的生日會，每個人都岀盡九牛二虎之力去準備，希望大魔王下年繼續畀我蝦。」見到女友咁努力，佢都忍唔住留言多謝女友：「必須的喜歡！」獲網友留言催婚，希望佢哋快啲拉埋天窗！

東網網站 : https://on.cc/

東網Facebook專頁 : https://www.facebook.com/onccnews/