年近歲晚，LINE FRIENDS都入鄉隨俗同大家一齊做足準備，迎接農曆新年的來臨！熊大、CONY、Sally等齊齊化身揮春、利是封，得意之餘又實用，話要祝大家「熊」運當頭、「兔」氣揚眉。另外靜靜雞同大家講，系列係香港獨家發售，其他地區搵唔到，所以LINE Today今日特地請一眾LINE FRIENDS嚟率先同大家拜個早年。
揮春一套有5款（$29/套），包含傳統的「福」字，以至較潮的「仙氣逼人」，張張印有農曆新年造型的LINE FRIENDS角色，夠晒喜氣洋洋。
利是封有4款，包括全家福橫款及直款，以及熊大、CONY情侶金色一對款式，方便大家在不同場合使用。
迎接己亥年當然不少得可愛豬仔，熟悉的朋友應該都記得熊大在Jungle BROWN系列都有豬仔造型，今次就特別推出新年版，拿著福袋更顯可愛。
留言 0