香港住屋問題人人關心，不少人窮一生精力只求一個安樂窩，但樓價長期高企，莫說是置業，連租樓亦難以負搶。最近深水埗一個80平方呎劏房以月租3600元放租，需在馬桶上煮飯，被網民質疑「無良心」，但疑似業主反駁「身在福中不知福」，引起網民熱議。
該劏房位於深水埗基隆街，面積約80平方呎，月租3600元，但未知有否包水電。劏房有一張單人床，床邊有一個水喉，有網民猜測可方便住戶「一起身就可以刷牙洗面」。而最多人關心的廁所和廚房，可說是「合二為一」，或可說是根本沒有廚房。從圖片中可見，只見廁所內有一個馬桶，旁邊有一個花灑，馬桶上有一個飯煲，並任何煮食爐具，意味該劏房或只能馬桶上煮飯。
這個「廚廁合一」的劏房隨引起網民關注，有網民斥業主無良心，「呢啲人怕唔怕全家大細生癌」，該名疑似業主隨即反駁指，「你知吾(唔)知如果吾(唔)係有甘(咁)多業主劏房，有幾多新移民或低收入人士瞓街呀，你地真係生(身)在福中不知福呀」。她又稱：「劏房雖(需)求量係超大，果D(啲)業主真係要攞獎呀」。
「身在福中不知福」言論隨即引起網民批評，「最X街係講到自己行善」、「其實劏房就已經係無人性兼要賺盡喇，況且呢家所謂嘅平租，根本就唔係平」、「其實唔係價錢問題，而係有良心嘅唔會間到啲咁嘅房出黎租。加上香港人已經習慣咗委屈自己，由400呎減到住80呎覺得無問題，反而唔用盡一切方法去表達市民嘅不滿。」
但亦有網民表示該劏房可以考慮，「對於麻甩佬，唔多雜物，求其有個竇瞓下，有個地方沖個涼，九龍旺區 ，$3600 如果包埋冷氣，算係咁」、「3600包唔包水電煤?包既(嘅)話就真係好多人狗衝」。
留言 0