拜仁中場祖奧柏連拿最近接受圖片報訪問，我知道我係拜仁時間將會嚟到，呢樣就係點解我每日都努力工作同爭取機會。老實講，我對於傳媒討論我係咪失去耐性嘅新聞無咩興趣。我嘅座右銘就係重點唔係點樣開始，而係點樣結束，所以我只會專注工作同球隊訓練🙂
柏連拿之後講到球隊教練甘賓尼，柏連拿就話「甘賓尼係新一代教練，佢同我哋每個人都有良好關係，呢樣對團隊精神幾重要，而且教練成日都會聆聽我哋嘅聲音，我哋亦都可以更容易同埋更快理解佢嘅諗法🤓。」
柏連拿之前因為個人原因缺席葡萄牙國家隊星期二訓練，並且得到葡萄牙足協批准。根據葡萄牙傳媒消息，呢位拜仁中場缺席訓練原因就係為咗完成離婚手續，而柏連拿就係琴日已經重返國家隊訓練😶
留言 0