廖慧儀梁超怡三點式歎水療　彭慧中穿浴袍浸溫泉

由彭慧中（Phoebe）、林秀怡、梁凱晴、梁超怡及廖慧儀（Jessica）主持的TVB旅遊飲食節目《吃貨橫掃港深珠》，昨晚（10月3日）播出一集，一班主持介紹一間位於深圳的水療中心，Jessica和梁超怡齊齊換上泳衣碧波暢泳，Phoebe則包上浴巾享受浸溫泉。另邊廂，林秀怡體驗水療中心的按摩服務，揀選了泰式按摩的秀怡更被技師舞來舞去摺埋一嚿。

Phoebe和梁凱晴結伴介紹香港美食，去到鰂魚涌一間酒樓品嚐精緻手工粵菜，以788港元買一送一優惠，大歎黑蒜花膠燉雞湯、花雕雞油蒸馬友、海味一品煲、煎蛋焗豬扒飯和生磨芝麻卷，當中的海味一品煲內有齊花膠、鮑魚、刺參等名貴食材， Phoebe和凱晴食到舔舔脷！

今晚（10月4日）播出一集，林秀怡、梁凱晴和Jessica到珠海的北山會館體驗文青之旅，去到一間由廟宇改建而成的酒吧Chill一Chill，該酒吧下午賣涼茶、夜晚賣雞尾酒。之後她們轉場另一間食店品嚐地道重慶火鍋，3人嗌到成枱嘢食。

Phoebe、Jessica和林秀怡再到深圳一間潮爆Cafe打卡，三位靚女不約而同以off shoulder裝上陣，大晒索爆靚肩瘋狂打卡。香港方面，Phoebe、Jessica和梁凱晴到西環品嚐曾入選米芝蓮的煲仔飯名店，該店是香港少有開24小時的茶樓，食店最近大搞優惠。