徐濠縈愈嚟愈後生　網友指出生活重點：嫁得好！

「歌神」陳奕迅（Eason）早前同老婆徐濠縈拍拖放閃，喪吸大批網友畀Like，日前樂壇天后容祖兒澳門開騷，徐濠縈都有現身支持好友，繼續Nice爆同網友合照，貫徹佢貼地嘅性格。平時愛打扮、潮爆全港嘅徐濠縈，今次就簡單黑Tee上陣，仲專登加上依家最Hit嘅「斯文敗類」款眼鏡，配合佢個型人形象，時尚又有新鮮感。

徐濠縈友善地同粉絲合照，唔少網友睇完相都驚訝佢成個feel young晒，忽然逆齡生長夠眼前一亮，日益從容優雅，當中有網友就道出佢變靚重點：「嫁對人了，天天對着搞笑又會賺錢的陳奕迅，住在陳奕迅買的香港別墅，生活無憂無慮，陳奕迅又特別幽默，她天天笑得合不攏嘴，心態開心開朗，才會愈活愈年輕！」

東網網站 : https://on.cc/東網Facebook專頁 : https://www.facebook.com/onccnews/