中港台三地文青女神 Serrini獨特形象最具風味

1.係中港台三地，有人話港女最唔似女人，既無內地女嘅嬌媚，亦無台妹嘅溫柔。 娛頭就認為，港女不造作、講義氣嘅風格，最難能可貴。

2.例如唱小清新出道的Serrini ，文青得來帶點瘋癲，近年創作多首無聊怪誕但貼地歌曲而上位。佢成日素顏開live又敷mask。即使係獨立歌手，豪爽性格成功吸引一大班fans支持。

3.今年Serrini贏陳蕾拎ChillClub 年度女歌手，網上熱烈討論。佢接受訪問時形容，「香港啲音樂好乖囉」，故想喺香港樂壇呈現另一種風格。佢亦唔介意haters抨擊，話自己：「相當熱愛閱讀負面評語」。

4.Serrini唔止唱得，亦讀得。佢喺中大英文系學士First Hon畢業，再喺港大讀文學碩士同博士，名副其實 #梁博士 ，仲以個人名義係兩家大學設獎學金「Serrini Scholarship 梁嘉茵獎學金」，浮誇得來有意義。

5.Serrini與好友林家謙 ，一個open奔放，一個文靜寸嘴，經常孖住上節目互質。表面打鬧，實則私底下同為義氣仔女。林家謙喺紅館開個唱時， 釗峰就爆料Serrini晚晚留到完場，希望林家謙：「落台後可以睇到好朋友一直喺台下支持佢」。今個月尾，佢同台灣文青女神陳綺貞、 岑寧兒等開PUNCHLive 演唱會，期待幾道「清流」會擦出火花。

▼Follow 娛頭
Facebook: https://www.facebook.com/profile.php?id=61554772610166