歐倩怡受訪自爆曾昏迷失禁　被轟唱衰郭晉安留言親回

郭晉安和歐倩怡上月宣佈決定離婚，而早前歐倩怡就上了蝦頭與連詩雅的網台節目《絲打圍爐》接受訪問，當中提到自己5年前曾患重感冒，而有一晚突然不能呼吸，向「隔籬嗰個」求助，但對方未有call白車，之後更昏迷失禁，最後第二朝醒來頭還卡在痰罐。

歐倩怡提到：「我話我唞唔到氣，幾乎講唔到嘢，跟住佢話『咪玩啦，瞓覺』。」之後對方便倒頭大睡，其後才見情況不對勁便開始Google，歐倩怡續說：「佢睇吓係咪call白車，跟住搵到個片糖沖熱水畀我飲，我已經抖唔到氣，仲要我飲片糖水。佢已經驚我嘔，喺張床上攬住個痰罐，仲要我飲，我飲咗少少，但我想話畀你聽，我嗰刻已經去到失禁，控制唔到，周圍都係，我覺得自己應該唔得㗎喇。」第二朝醒來時頭卡在痰罐，不過慶幸自己尚有呼吸，才去醫院求醫。

訪問出街後，《絲打圍爐》卻罕有地關閉這影片的留言功能，但在其他平台也引來熱議，有人指郭晉安冷漠，亦有人覺得歐倩怡唱衰前夫。歐倩怡都有在IG回應為郭晉安澄清：「佢當時係驚，唔知發生咩事」、「我真係斷片式暈咗，發生咩事都唔知」、「太驚啦，唔知發生咩事，比着我都會驚，唔知應該點做」。

之後有網民指：「人哋郭晉安一句聲都冇出，你就咁多嘢講，向前看啦歐倩怡！」她回覆：「係🫡thanks.」另一留言：「真係戥郭晉安慘!!你真係太over了。」她就大方回應：「多謝你，都有人提點，可能同主持人喺鏡頭後玩得太癲，攪到訪問咁 Beli Bala 嚇親人😅下次要提自己，冷靜D。」
亦有網民替郭晉安說話：「多謝你放過郭晉安，地球又多一個筍盤🙌🏻」歐倩怡亦有回應：「係呀，佢好好的👍🏻」