王敏奕供胞弟英國留學　管教管養嚇怕未敢生育

藝人王敏奕下午到將軍澳出席有關護眼的慈善活動，吸引不少粉絲到場舉牌支持。談到視力，她坦言：「因為我好細個就成日影相（當模特兒），我懷疑係長期畀啲燈光影響，所以我係有散光嘅，揸車要戴眼鏡。（今次有冇去慈善探訪？）冇，都好想試吓，聽糖妹講佢試過幫手起屋，我都唔怕辛苦。」

談到接下來工作安排，她透露：「應該等到12月開《新聞女王2》，不過手頭上仲有另一部（劇），睇吓邊套開鏡先囉。依家可以休息幾個月，不過我啱啱喺英國返嚟，陪細佬考試。」原來「絶世好家姐」敏奕擔心16歲的胞弟心散，所以考試時多加管束：「我過到去乜地方都冇去過，只係負責家務同買餸煮飯。（有冇嚇怕妳生B？)湊佢都已經咁嘞，唔諗住嘞。（妳供細佬讀書？）係，盡做啫。（細佬同妳老公曾國祥感情好唔好？）可以㗎，男仔連食嘢口味都好似，佢哋鍾意食肉，我就比較鍾意煮菜，佢哋玩我囉。」

東網網站 : https://on.cc/東網Facebook專頁 : https://www.facebook.com/onccnews/