周吉佩北上消費保命讚老婆靚　去世界之窗當環遊世界

《中年好聲音》冠軍周吉佩（吉吉）自贏得比賽後工作不斷，雖然經常忙個不停，但愛家的他日前就趁空檔帶家人到內地旅遊過聖誕，他在社交網晒相跟粉絲分享喜悅，寫道：「報告一下，萬象前海雪景要排3個鐘，真係飛轉哈爾濱都得，所以我哋去隔離紅葉影，都好靚！」

吉吉除了貼出一家四口坐於紅葉樹下的溫馨靚相外，亦貼出一張他為太太所拍的半身照，補充說：「可能因為女主角好靚，所以點影都靚！下站再見！」如此懂得賣口乖冧太太，相信就算影得差也不用「跪玻璃」吧。他又提到一早已應承一對子女聖誕會帶他們外遊：「話說我話今個聖誕帶兩位老細環遊世界，然後去咗『世界之窗』，之後佢哋嬲咗…最後玩完，再過咗隔離歐陸小鎮玩飄雪。」十分搞笑。

東網網站 : https://on.cc/東網Facebook專頁 : https://www.facebook.com/onccnews/