高海寧獲C君開命盤　天生貴格命好命格　

由鄭詩君（C君）、高海寧及陸浩明主持的海興綜藝節目《Grand 住去大阪》將於本月16日晚首播，由三位主持為觀眾推介大阪頂級旅遊體驗、豪歎米芝蓮美食及親嘗頂級Spa等。C君及陸浩明今日（13日）出席節目記者會，高海寧則視像通話跟大家分享拍攝的難忘事。她大讚C君懂得搞氣氛，為拍攝增添不少歡樂，又指他特意帶上3部相機為她影靚相，又感謝對方於行程期間為她開命盤，推算出她天生好命格，令她高興不已，還稱C君做大師。

C君受訪時笑指高Ling「吹大了」，自己的確有學習命理，但笑稱並只是皮毛級並非大師：「佢條命係稱為『貴格』，本身條命好。（算到佢好姻緣？）其實我係好皮毛，只係愛好者，希望佢聽咗算唔好理，哈哈！」他表示玄學加麥玲玲曾教她面、掌、相，後來再睇蘇民峰的節目自學，遇上有唔明便會向對方請教。提到他早前酒舖開張，好友蕭正楠亦帶同太太黃翠如到賀，問他有否看出翠如是否有喜？他笑指當日要招呼很多朋友，未有太留意，但知道蕭正楠愛杯中物，有力Sell對方。

東網網站 : https://on.cc/東網Facebook專頁 : https://www.facebook.com/onccnews/