內地女星高圓圓有着高貴典雅氣質嘅同時，亮麗外形及苗條身材更係圈粉無數，即使喺2014年下嫁台灣藝人趙又廷並誕下一女Rhea，至今依然凍齡有道身材Fit到漏。雖然高圓圓近年專注相夫教女，鮮少亮相幕前，但仍不時被網友喺公園直擊佢湊女點滴，只見身穿羽絨背心襯寬鬆牛仔褲嘅佢，戴上口罩及Cap帽，打扮相當樸素之餘，女兒更係暴風成長，身高直逼高圓圓腰間，而高圓圓不時寵溺咁摸Rhea頭嘅舉動，更係隔住Mon都Feel到母愛爆棚，母女二人嘅溫馨互動引嚟唔少網友激讚：「高圓圓跟趙又廷兩個人都是顧家的人，做他們的女兒真幸福！」、「高圓圓真是高品質陪伴，常被拍到陪女兒，好媽媽呀！」、「溫馨母愛畫面成最美風景線。」不過亦有唔少網友認為即使係藝人，都同樣需要私人空間。
東網網站 : https://on.cc/東網Facebook專頁 : https://www.facebook.com/onccnews/
留言 0