2024年起始,立即有新戲消息,兩位神級笑匠黃子華及許冠文繼1992年《神算》後相隔32年再合作,參演以殯儀主題、原名為《度脫之舞》的新作《破.地獄》,今日(4號)電影更舉行開鏡儀式,公布電影由英皇電影出品,《不日成婚》系列導演陳茂賢執導及編劇,黃子華、許冠文、衛詩雅、周家怡、朱栢康、秦沛、金燕玲等人主演。
《破.地獄》黃子華與許冠文早於1992年電影《神算》合作。當年黃子華想做演員卻不成功,原打算做完棟篤笑正式轉行,結果許冠文看完他的舞台演出後,欣賞他的幽默有趣,親自致電邀請黃子華合作編劇,結果促成了自己與黎明主演的《神算》。
許冠文提到當年找黃子華的原因:「幾十年前我度橋度到山窮水盡,有人話有個人度喜劇好勁,我自己打畀佢約佢度橋,佢度橋真係犀利。」黃子華曾經講過,原本度橋時以為會擔正,結果卻是黎明主演,自己只客串律師一角,許冠文今天連忙解釋,笑指不知道對方想做明星,黃子華聽到反問:「咁明顯都睇唔到?我嗰時虛榮心大到!」
許冠文再三解釋:「嗰陣時我諗住主角應該要係非常靚仔,順便唱埋主題曲,當時子華冇乜打扮,但其實佢都幾靚仔。」黃子華笑著接受解釋:「證實咗我同黎明係有好大距離,所以你當時嘅選擇係冇錯到。」
今次黃子華終於以主角身份與「師傅」許冠文合作,主題是以禁忌般的殯儀做題材。黃子華透露:「我哋呢次好好彩,殯儀館同義莊從來都唔畀人拍攝,我哋今次申請到拍攝係好幸運。」片中黃子華飾演殯葬策劃,許冠文做大前輩,朱栢康就演許冠文兒子,主責破地獄儀式。
許冠文又指,電影有笑有淚,承認觀眾對喜劇要求提高:「呢套戲好莊嚴、有意義地帶出啲笑位,有意思得嚟又咁有幽默感,我諗好啱香港人,唔希望一味淨係得搞笑,仲想有啲啟示。」
農曆檔期電影《飯戲攻心2》最近宣傳不少,卻沒有了黃子華的參與,黃子華被問及為何不拍《飯戲攻心2》,他婉拒討論:「喺大師旁邊唔好講第二套戲喇。」
《破.地獄》故事以疫情肆虐生意蕭條為背景,講述被迫改行為葬禮經紀人的道生(黃子華 飾),起初因理念不合與喃嘸師傅文哥(許冠文 飾)產生許多衝突的故事。面對特殊的逝者文哥、親歷文哥與女兒文玥(衛詩雅 飾)相處的點點滴滴,道生對職業及生活的態度也慢慢改變。
留言 7
au
許冠文電影,從不錯過,太長的一段時間沒有新片出,今次加埋黃子華,無論到時口碑如何,都一定會入場。
01月05日02:25
Jimmy
呢套正呀!
01月05日08:24
Άγνωστος 🔭
港版既禮儀師的奏嗚曲?
01月05日08:24
David Lai
希望許冠文會與時併進,笑料唔會50年不變!
01月05日08:23
mark
腥港電影,算把啦
01月05日10:56
顯示全部