喺演唱會圓滿精彩地結束後，Ian火速推出新作《鑿》，延續《以孤獨命名》故事，道出與愛人分離內心之混亂與掙扎。
「我 要剃去亂髮 要看見大腦 想抽取記憶 雕刻我們 磨筆怎麼繞過血管」
當一段曾經深愛嘅關係正式完結，頓時彷彿失去靈魂，甚至傷痛到喪失理智。即使要用上多瘋狂嘅方法，都想將美好回憶，甜蜜片段一下子鑿走，嘗試令自己好過一點。
然而，內心其實依然未放下，根本唔想忘記愛人，尚未接受分離嘅事實。依種矛盾令自己不斷在痛苦中循環，只能喺幻想中重續前緣，從夢中完成一世一生嘅承諾。每日行屍走肉地生活，痛不欲生，愛情就係會令人如此失控。
「鑿眉額 鑿情話 鑿甜蜜滋味 一下子 一輩子 可以抱緊你」
要徹底忘記一個人，習慣彼此再無關係，接受所有回憶已成過去，又談何容易。必須要走一趟艱苦旅程，回憶同孤獨感接連湧現，負面壓抑嘅情緒難以消除，只能一次次捱過，用時間同耐心逐步走出黑暗。愛得多深，傷得多痛。
「茫茫然 無痕跡 污糟的一隻小布偶 坐在桌上 神經開始不堪刺激」
《鑿》演繹難度極高，前段以短尾音，急促咬字，接近氣聲嘅唱法，展現頹廢感覺，及後情感一步步遞進，深深震撼內心。歌曲陰沉中帶點狂野，充份表達出分離後忘我混亂嘅狀態，令聽眾貼切地感受到個份痛心。只可以話陳卓賢從來唔會令樂迷失望，全新嘗試都可以咁有質素。
「這眼神 這笑容 這翅膀 這鳥籠 石像說 皮囊說 我愛到太累太壓抑」
Ian喺演唱會展示出色嘅音樂才華後，亦象徵佢歌手生涯踏入新階段，勢要作更多突破。而《鑿》正正證明佢的確係一位非常全能嘅唱作歌手，期待依個系列嘅下部曲再次用音樂虐大家心，更期待MV嘅故事最終會何去何從。
「早已知 刀鋸子 不夠愛鋒利 餘情未了落得一敗塗地」
你又有無想親手鑿走嘅美好回憶？
《鑿》Ian陳卓賢
作曲：Ian 陳卓賢
作詞： 陳詠謙
編曲： 黃兆銘
監製： 陳考威
「鑿眉額 鑿情話 鑿甜蜜滋味
一下子 一輩子 可以抱緊你
要為你畫上白髮 來靜靜地陪伴
伴著睡 夢裡將溫馨記起
鑿承諾 鑿懷念 鑿完鑿天地
早已知 一輩子 可以靠演技
也為我預設下個 錐心的角度
展覽真正的死心塌地」
▼Follow hkpopculturelover
Instagram: https://www.instagram.com/hkpopculturelover/
留言 0