前女主播爸爸分享40年前藏屍案現場情況　闖伊利沙伯大廈拍攝有惡臭

前TVB新聞主播麥詩敏已轉型為KOL，經常拍片分享生活及以往採訪經歷。日前與《警訊》元祖主持父親麥振江，各自分難忘事。麥振江提到1984年拍攝「伊利莎伯大廈花槽藏屍案」的經歷，讓他非常難忘。

片中，麥詩敏分享她在2021年因家住大廈被圍封強檢，她即時進行報道：「出唔到去返工，做咗一晚限定嘅記者，嗰晚你都有幫手，你記唔記得啊！」原來當晚麥爸爸化身攝影師，在現場幫忙拍攝。

而麥振江則提到他在1984年採訪「伊利莎伯大廈花槽藏屍案」，他憶述當年令他至今亦記得的，就是現場的味道：「最震撼最難忘嘅就是現場嘅屍臭味，嘩！真係好臭，個個都唔想入去，（臭到）難以形容啊！」麥振江指因工作需要，收音師及攝影師都要入案發現場：「佢哋搵條毛巾冚住個口鼻，我就冇辦法啦！我喺現場講嘢㗎！冇得冚㗎！點都要拍返嚟俾大家睇。」當採訪結束後，麥振江回家立即將所以衣服棄掉。

網民紛紛讚麥振江敬業，「麥Sir嗰鋪堅惡啃」、「老豆辛苦好多囉」。

80年代轟動全港的「伊利莎伯大廈花槽藏雙屍命案」，是香港奇案之一，至今仍未破。1984年3月31日，銅鑼灣伊利莎伯大廈A座26樓一個單位住客報警指，發現隔壁花槽滲出血水，傳出惡臭。警方到場後，發現花槽被石屎填平，工務局人員翌日鑿開花槽石屎後，有濃烈屍臭，經消防接手挖掘後發現兩具屍體，雙手被反鎖，更以白布層層包裹，其後證實死者為新加坡珠寶富商少東兄弟。