張致恒老婆月尾又呻冇屋租交 自爆曾一家大細瞓街

張致恒（Steven）和太太區燕雯（雯雯）結婚5年育有4子，一家人財困多年。雖然Steven今年6月扚起心肝返地盤工掙錢養家，但經濟狀況仍未有改善。繼雯雯上月下旬不時在社交平台放負呻窮，Steven隨後稱開工不足致收入不夠，求網民幫忙後，雯雯今個月尾再次放負，又稱無租交，一家大細快被業主趕走。

她昨天（26日）起在Ig限時動態上載多張黑底白字圖，內容寫着「我已經化，最多咪喺街，又唔係冇試過。又準備冇屋住… 最慘今次有工作，只係出糧日期有變，交唔切」。雯雯又說︰「關係、家庭、生活已累到盡，一切隨緣，至少努力過。上天要我過唔到，都無謂勉強。」她今早再出黑底白字、寫着「唉」字的限時動態帖子。

（即時娛樂）