汪明荃羅家英名牌情侶裝配拖鞋　平台放燈籠掛飾「人月兩團圓」

今日（9月17日）是中秋節，汪明荃（Liza姐）於凌晨時分上載與老公羅家英慶中秋的照片，寫道：「祝願大家中秋節快樂！人月兩團圓！」。

Liza姐上載3張在家平台拍攝的照片，她與家英哥穿上名牌情侶裝，配以家居拖鞋，感覺溫馨。幾張照片曝光Liza姐家中的闊落平台，應節地放上燈籠和掛飾，極具儀式感。

汪明荃將於今年11月舉行兩場紅館演唱會，為新歌填詞的黃偉文（Wyman），日前在社交平台分享與Liza姐的緣份，寫道：「關於那個我要『報28年前的恩』，兌現自己開給阿姐張 cheque的小故事。可能大家近來都有聽到汪明荃小姐親自講過了。其實，這首歌我非寫不可。還有一個連對汪明荃本人我都未講過的理由。如果你有睇 Concert YY，你可能會記得我講過，我阿爸阿媽咁多年嚟其實都好似唔係幾知我係做緊啲乜嘢嘅。」

Wyman回憶道：「好記得廿幾卅十年前，有一次我阿媽問我：「你成日閂埋房門寫寫寫，其實你係做乜㗎？」我話：「 阿媽我而家做緊填詞人呀。」阿媽話：「咁你有冇寫過汪明荃？」我話：「未呀。」「咁你應該都係渣渣地，唔係好入流！」佢掉低呢句咁狠毒嘅說話就行開咗，從此之後，再冇問過我一句關於我嘅寫詞工作。大概喺佢心目中，呢幾十年無論我做過乜，都係唔計數嘅，總之一日未寫到汪阿姐，呢個仔都係流流地、好打有限嘅。所以，好開心好開心，喺入行寫詞超過三十年之後 ⋯⋯阿媽，我終於「入流」啦！Mom , after all these years , I hope I can FINALLY make you proud .」