近水樓台定貪就手？ 藝人與經理人關係匪夷所思 鄭中基：最鍾意幫到手嗰個

1. 鄭中基 同經理人何慶湘割席事件引嚟全城競猜，討論區連日有「自稱」知情者爆料「偷食證據」，有網民翻查記錄，考古返Channel訂閱超過60萬的Q&A片，鄭中基被問到最鍾意公司邊個員工，就話「最鍾意需要時幫到手嗰個」。有觀眾問湘湘幾時搵到男朋友，鄭中基同湘姐齊齊話，「呢啲我哋答唔到，我唔鍾意啲細過我嘅」。

2.藝人同經理人、助手日夕相對，日久生情都好正常，係啱嘅時間遇上啱嘅人，效果是如虎添翼。近年再蒲頭搵銀嘅古sir #古巨基 ，緋聞不多，與女助手 #Lorraine 愛情長跑20年，10年前於美國拉斯維加斯結婚，其後誕下一子。Lorraine同古sir 94年於唱片公司相識，後成為助手，甘心做基仔背後的女人，最終修成正果。

3.另一pair又有天王黎明，佢同 #樂基兒 愛得高調大家都記得，二人離婚後，黎明戀上細19年的女助手Wing，2018年認愛兼同年生女。阿Wing早年入行喺黎明創立嘅AMusic做宣傳部，當年負責湊 #衛蘭 、 JaniceMan、 #李治廷 等。當年有傳佢曾經搭上李治廷，分手後轉移目標，現時由女助手升格天王嫂！

4.並唔係每pair情侶檔都受到祝福。 詹瑞文1993年與舞台劇演員 #甄詠蓓 結婚，婚後育有一女。他於2012年與有夫之婦、兼公司職員Amenda發展婚外情，受盡非議。估唔到Amenda於去年因肺癌早逝，情深緣淺，令詹瑞文傷心不已。

5.最長情要數郭富城背後的經理人小美 。自93年起，二人合作無間，小美27年來亦只係同城城合作，二人經歷唔少風雨。外界一直盛傳小美暗戀郭富城，不過小美就一直否認，曾經回應話，「大家係互相信任尊重的好夥伴，人際情誼上有着極為深厚嘅手足之情。」城城曾自爆掌控家中財政大權嘅唔係自己，亦唔係老婆方媛，而係公司會計及小美。所以話，藝人同經理人關係往往難以公私分清，有時擦槍走火，關係破裂，錯嘅時間遇着啱嘅人，難免只剩可惜！

▼Follow 娛頭
Facebook: https://www.facebook.com/profile.php?id=61554772610166