小B畢業禮萌爆向主持示愛 谷德昭寄語要善良 沈殷怡收心意卡感動落淚

ViuTV節目《香港小B選舉》由谷德昭、沈殷怡（Shirley）和曾贊學（阿神）擔任主持。明晚（28日）播出最後一集，會是小B的畢業禮。

會上，小B們毫不掩飾對3位主持的喜愛，大呼「好鍾意你」、「我都鍾意Shirley姐姐」等，場面有愛。3位主持及後分別向小朋友寄語，谷德昭感性地指：「呢個節目唔係想用嚟比較，最想嘅係小朋友同家長，有快樂時光，有好好嘅回憶。小朋友能夠快樂成長，最重要就係做善良小朋友，咁我就最開心喇。」

小B們秘密準備心意卡分別送給3位主持，令Shirley感動到眼濕濕。一眾小B馬上送上擁抱安慰，她坦言：「一開始都好擔心自己勝唔勝任到呢個節目，因為自己無小B，亦都好少同佢哋相處，但係睇到張卡，佢哋嘅反應同擁抱，未試過拍節目係咁感動，唔捨得佢哋畢業。」

（即時娛樂）